Mazda იწყებს სრულიად ახალი ელექტრომობილის ტესტირებას - რა ვიცით ახალი მოდელის შესახებ?
Nov 15, 2025
იაპონურმა ავტომწარმოებელმა Mazda-მ ოფიციალურად დაიწყო ტესტირება თავისი მომავალი სრულად ელექტრო მოდელის, რომელიც სპეციალურად აშშ-ის ბაზრისთვის იქმნება. კამუფლაჟში გახვეული SUV კალიფორნიაში, ირვაინის მახლობლად გამოჩნდა და ეს არის პირველი რეალური ნაბიჯი Mazda-ს ახალ ელექტრო ეპოქაში.
Mazda უკვე დიდი ხანია იწუნებს ინდუსტრია იმის გამო, რომ ელექტრომობილების მიმართულებით ძალიან ნელა ვითარდება. ახლა კი ბრენდი ცდილობს ეს დეფიციტი სწრაფად შეავსოს:
ტესტირებაში მყოფი მოდელი დაფუძნებულია სრულიად ახალ Skyactiv EV Scalable Architecture პლატფორმაზე.
დამალული დიზაინიდან ჩანს, რომ ეს იქნება საშუალო ზომის SUV, Mazda-ს ერთ-ერთ მთავარ სეგმენტში.
ტესტირება მიმდინარეობს Mazda-ს R&D ცენტრთან, რაც მიუთითებს, რომ ბრენდი აჩქარებს განვითარებას.
როდის გამოჩნდება ბაზარზე?
ამ ეტაპზე ცნობილია:
წარმოების დაწყება იგეგმება 2027 წელს
ხოლო გაყიდვები აშშ-ში, დიდი ალბათობით, 2028 წლიდან დაიწყება
ეს ნიშნავს, რომ Mazda EV-ბაზარზე შედის იმ დროს, როცა კონკურენტები - Tesla, Hyundai, Kia, VW - უკვე ბატარეების ტექნოლოგიასა და დანადგარებში მილიარდებს ინვესტირებენ.
Mazda-ს პირველი სრულად ელექტრო მოდელი, MX-30, ამერიკაში კრახით დასრულდა: მცირე გარბენი, მაღალი ფასი და ტექნოლოგიური ჩამორჩენა - სწორედ ეს გახდა მისი ჩავარდნის მიზეზი.
ახლა კი ბრენდი ცდილობს სრულიად ახალი სტრატეგიით დაბრუნდეს:
ახალი dedicated EV პლატფორმა
უფრო დიდი SUV
უკეთესი ბატარეა
კონკურენტუნარიანი სპეციფიკაციები
რას არ ამბობს Mazda?
ჯერჯერობით უცნობია:
ბატარეის მოცულობა
სიმძლავრე და გარბენი
ჩაშვების ზუსტი თარიღი
იქნება თუ არა ეს მოდელი მხოლოდ აშშ-ისთვის, თუ სხვა ბაზრებიც მიიღებს
თუმცა ინდუსტრიის ანალიტიკოსები თითქმის ერთხმად ვარაუდობენ, რომ ეს იქნება Mazda-ს პირველი „ნამდვილად სერიოზული“ EV.