Jaguar-ი ახალ, უნიკალურ ფაზაში შედის: ბრენდი თითქმის ერთი წლის განმავლობაში არ გაყიდის არცერთ მოდელს, რადგან არსებული სერია სრულად იხსნება ბაზრიდან, რათა გზა მისცეს ახალი თაობის ძვირადღირებულ ელექტრო მანქანებს. გავრცელებული ინფორმაციით, ამ ცვლილების პირველ ნაბიჯს მომავალ თვეს ვიხილავთ, როდესაც Jaguar-ი ახალი კონცეპტუალური მოდელის დიზაინს წარადგენს.

Autocar-ის ცნობით, Jaguar-ის კონცეპტის წარდგენა Miami Art Week-ზეა დაგეგმილი, რომელიც 2 დეკემბერს იწყება და ეს ინფორმაცია ბრენდის ფინანსური ანგარიშიდან გახდა ცნობილი. 

სამ ახალ ელექტრო მოდელს შორის პირველი იქნება ულტრა-ფუფუნების ოთხკარიანი გრანდ ტური. 

ახალი მოდელი ნაწილობრივ შთაგონებულია ლეგენდარული E-Type-ის დიზაინით, თუმცა სრულიად ახალი და თანამედროვეა. მოდელის სარეკორდო მონაცემებში შედის დაახლოებით 575 ცხენის ძალა. Jaguar-ი იმედოვნებს, რომ აღნიშნული კონცეპტი მის მომხმარებლებში აღფრთოვანებას გამოიწვევს.

კონცეპტის წარდგენა დაგეგმილია მომავალ თვეს, ხოლო წარმოების მოდელი სავარაუდოდ 2025 წელს იქნება წარდგენილი, გაყიდვები კი 2026 წელს დაიწყება.