Ferrari-ს ახალი 1,000 ცხენის ძალის ელექტრო სუპერქარი Elettrica - ყველაფერი, რაც უნდა იცოდე
Oct 13, 2025
Ferrari-მ ოფიციალურად წარადგინა თავისი პირველი ელექტრო სუპერქარი Elettrica, რომელიც აერთიანებს დახვეწილ ინჟინერიას და უნიკალურ ტექნოლოგიურ ინოვაციებს.
ავტომობილი აღჭურვილია ოთხი ელექტროძრავით, ქმნის 1,000 ცხენის ძალას, 0-100 კმ/სთ-ს მხოლოდ 2,5 წამში აღწევს, და ავითარებს 310 კმ/სთ მაქსიმალურ სიჩქარეს. Elettrica-ს გარბენი ერთ დატენვაზე 530 კმ-ზე მეტია, ხოლო წონა 2,300 კგ-ია, რაც ფერარისთვის რეკორდულია, თუმცა დაბალი გრავიტაციული ცენტრის გამო მართვა კვლავ ფერარისთვის დამახასიათებელად რბილია.
ფერარი აგრძელებს ვიბრაციების გამოყენებას აუდიო ეფექტისთვის, ქმნის უნიკალურად აუთენტურ ელექტრო ხმას, რომელიც ეხმიანება მძღოლის მართვის გამოცდილებას. მანქანა 75% გადამუშავებული ალუმინითაა შექმნილი და მოიცავს Formula 1-დან მიღებულ KERS ტექნოლოგიას.
თუმცა, მიუხედავად ყველაფრისა, Elettrica მაინც უფრო ნელია, ვიდრე Tesla-ს რამდენიმე წლის წინ გამოშვებული Model S Plaid და ჩამორჩება სხვა თანამედროვე ელექტრო სუპერქარებს. Ferrari აცხადებს, რომ მთავარი მიზანი სიჩქარე არაა, არამედ ტექნოლოგია, ინჟინერია და ექსკლუზიურობა.