BYD-ის ახალი ორკარიანი ელექტროსპორტული მანქანა პირველად შეამჩნიეს ქალაქის გზებზე
Jul 1, 2025
აპრილში, შანხაის ავტოშოუზე, მსოფლიოში ყველაზე სწრაფად მზარდმა NEV ბრენდმა BYD-მა თავისი პრემიუმ ბრენდის, Denza-ს სახელით, ახალი ორკარიანი ელექტროსპორტული მანქანის კონცეპტი წარმოადგინა, სახელწოდებით Denza Z.
ახლა ქსელში გავრცელდა შავი პროტოტიპის ახალი ფოტო, რომელიც Thinkercar-მა გაავრცელა X-ზე.
ფოტოზე ჩანს, რომ მანქანა კონვერტიბლური სახურავით არის წარმოდგენილი – რაც პირველი შემთხვევაა, როცა ეს მოდელი ასეთი სახით გამოჩნდა. ეს მიანიშნებს, რომ BYD შესაძლოა ამზადებდეს როგორც მყარ სახურავიან, ასევე რბილ სახურავიან ვერსიებს.
წინა მხარეს თვალშისაცემია დიდი ჰაერის შესასრუტი და სამკუთხა ფარები, რომლებიც Lamborghini Huracán-ის სტილს მოგვაგონებს. წინა ნაწილის ქვედა ნაწილში კი დამალული ჩანს მრგვალი ემბლემა, რომელიც ძალიან ჰგავს Denza-ს სხვა მანქანებზე გამოყენებულ ლოგოს.
სალონში, წინა მინის გავლით ჩანს ფართო ჰორიზონტალური ეკრანი ცენტრში და რამდენიმე კამერა ზედა ნაწილში, რაც მიუთითებს ავტომატური მართვის სისტემებზე (ADAS).
Denza Z პირველად შანხაის ავტოშოუზე აჩვენეს ორი თვის წინ, ახალი ტექნოლოგიებით: DiSus-M დაკიდების სისტემა, ჩამოსაკეცი საჭე და steer-by-wire სისტემა.
ეს Denza-ს პირველი სპორტული მანქანა არ არის – პირველი იყო Yangwang U9, რომელიც 2023 წლის შანხაის ავტოშოუზე გამოჩნდა და შემდეგ გაყიდვაში ჩაეშვა. ამ მოდელს 391 კმ/სთ-მდე მაქსიმალური სიჩქარე აქვს და Nürburgring-ის ტრეკზე 7 წუთსა და 18 წამში გაიარა წრე 2024 წლის ნოემბერში.
ახლა კი Denza ემზადება ახალი Z-ის ოფიციალური გამოშვებისთვის და სავარაუდოდ, უახლოეს თვეებში კიდევ მეტი დეტალი და ტესტირების ფოტოები გაჩნდება.
——-
Solar Auto ქართულ ბაზარზე 2022 წლიდან ოპერირებს და წარმოადგენს ჩინური გიგანტი ბრენდის – BYD-ის (Build Your Dreams) პირველ ავტორიზებულ იმპორტიორს საქართველოში.
კომპანია ქართულ მომხმარებლებს სთავაზობს BYD-ის ახალი ავტომობილების სრულ ასორტიმენტს, ორიგინალ ნაწილებს და საგარანტიო სერვისს.
სრული სამოდელო რიგის გასაცნობად ეწვიეთ ვებგვერდს: www.solarauto.ge