BYD-ის პასუხი Tesla-ს: ბევრად, ბევრად იაფია - რა არის "God’s Eye"?

BYD-ის ახალი სისტემის სახელწოდებაა God’s Eye (ან DiPilot), რომელიც ჩინეთში ყველა ახალ BYD მოდელში უფასოდ დაინტეგრირდება.

საბაზისო ვერსია Tesla-ს ავტოპილოტის მსგავს მარშრუტირებას უზრუნველყოფს და ის $10,000-ზე ნაკლები ღირებულების ავტომობილებშიც იქნება ხელმისაწვდომი.

უფრო მაღალი კლასის ვერსიები კი სამ LiDAR სენსორს გამოიყენებენ და BYD-ის პრემიუმ მოდელებში.

რა არის "God’s Eye"?

ეს სისტემის მრავალდონიანი სტრუქტურაა, რომლის მიზანიც BYD-ის ყველა მანქანის აღჭურვაა აქტიური უსაფრთხოების ტექნოლოგიებით.

ყველაზე მაღალი დონის სისტემა – God’s Eye A (DiPilot 600) სამ LiDAR სენსორს იყენებს და მხოლოდ პრემიუმ ბრენდ Yangwang-ის მოდელებზე იქნება ხელმისაწვდომი.

საშუალო დონის God’s Eye B (DiPilot 300) მხოლოდ ერთ LiDAR სენსორს იყენებს და ის Denza-სა და BYD-ის ფლაგმანურ მოდელებში განთავსდება.

ყველაზე მნიშვნელოვანი და რევოლუციური იქნება დაბალი ღირებულების ვერსია – God’s Eye C (DiPilot 100)

აღნიშნული ვერსია კამერებისა და რადარების კომბინაციას იყენებს:

• 12 კამერა (3 წინა ხედვის, 5 პანორამული და 4 გარშემო ხედვის)

• 5 მილიმეტრიანი ტალღის კამერა

• 12 ულტრასონიკური რადარი

თუმცა, შედარებით იაფ ვარიანტს გარკვეული შეზღუდვები ექნება. მაშინ, როცა A და B ვერსიებს ავტომატურად შეუძლიათ გადაადგილება როგორც ქალაქის ქუჩებში, ისე ავტომაგისტრალებზე, C ვერსია თავდაპირველად მხოლოდ ავტომაგისტრალებზე იმუშავებს. თუმცა, BYD გეგმავს მომავალში ქალაქის მართვის ფუნქციაც დაამატოს.

გარდა ამისა, ყველა ვარიანტი DeepSeek AI-სთან იქნება დაკავშირებული, რაც მანქანების ხელოვნურ ინტელექტს კიდევ უფრო გააუმჯობესებს.

რატომ არის ეს მნიშვნელოვანი?

მანამდე, მსგავსი ავტონომიური მართვის ტექნოლოგიები მხოლოდ ძვირადღირებულ ავტომობილებში გვხვდებოდა. კამერები, სენსორები და შესაბამისი პროგრამული უზრუნველყოფა საკმაოდ ძვირია, რის გამოც ავტოპილოტი ძირითადად პრემიუმ სეგმენტის მანქანებისთვის იყო ხელმისაწვდომი.

BYD ამ ბარიერს შლის და საკუთარ ტექნოლოგიას ყველა მოდელზე, დამატებითი ღირებულების გარეშე ამატებს.

რა გავლენას მოახდენს ეს ბაზარზე?

BYD-მა უკვე გამოიწვია ფასების ომი ჩინურ ელექტრომობილების ინდუსტრიაში. კომპანია აგრესიულად ამცირებს ფასებს და კონკურენტებს აიძულებს, უფრო დაბალი ღირებულებით იმუშაონ.

ახალი ჭკვიანი მართვის ტექნოლოგიის დამატება BYD-ის მოდელებს კონკურენტებისგან აშკარად გამოარჩევს. ახლა კონკურენტებისთვის რთული იქნება ბაზარზე ადგილის შენარჩუნება, თუ მათაც არ ექნებათ მსგავსი ტექნოლოგია.

Solar Auto ქართულ ბაზარზე 2022 წლიდან ოპერირებს და წარმოადგენს ჩინური გიგანტი ბრენდის – BYD-ის (Build Your Dreams) პირველ ავტორიზებულ იმპორტიორს საქართველოში.

კომპანია ქართველ მომხმარებლებს სთავაზობს BYD-ის ახალი ავტომობილების სრულ ასორტიმენტს, ორიგინალ ნაწილებს და საგარანტიო სერვისს.

სრული სამოდელო რიგის გასაცნობად ეწვიეთ ვებგვერდს: www.solarauto.ge