BYD გეგმავს ევროპის გაყიდვების ქსელის გაორმაგებას 2026 წლის ბოლომდე
Nov 18, 2025
სტატია მომზადებულია სოლარ ავტოსთან კოლაბორაციით
ჩინური ავტომწარმოებელი BYD, რომელიც უკვე გახდა ქვეყნის ყველაზე დიდი ავტო ბრენდი, ევროპის ბაზარზე აგრესიული გაფართოების სტრატეგიას განაგრძობს. კომპანიის წარმომადგენლის თქმით, BYD 2026 წლის ბოლოსთვის ევრო რეგიონში გაყიდვების ქსელის მასშტაბურ ზრდას გეგმავს.
BYD Europe-ის რეგიონალურმა მმართველმა ფრანკფურტში გამართულ ღონისძიებაზე განაცხადა: „2025 წლის ბოლოსთვის ევროპაში 1,000 გაყიდვების წერტილი გვექნება, ხოლო შემდეგ წელს ამ რაოდენობას გავაორმაგებთ.“
ეს ნაბიჯი კომპანიას კიდევ უფრო დააახლოებს ევროპელ მომხმარებლებთან - სეგმენტში, სადაც კონკურენცია განსაკუთრებით მაღალია.
კომპანია უკვე მუშაობს რამდენიმე მნიშვნელოვან პროექტზე:
უნგრეთში ქარხანა – BYD-ის პირველი მწარმოებელი ჰაბი ევროპაში
მეორე ქარხანა თურქეთში – მუშაობა უკვე მიმდინარეობს
მესამე ქარხნის არჩევა – ლიდერ კანდიდატად ესპანეთი სახელდება
BYD ამჟამად წარმოდგენილია 29 ევროპულ ბაზარზე და გეგმავს ადგილობრივ წარმოებაზე გადასვლას, რათა მიწოდების ჯაჭვი და ხარჯები უფრო ეფექტიანი გახდეს.
BYD-ის EV და plug-in ჰიბრიდების გაყიდვები ევროპაში სწრაფად იზრდება. 2025 წლის პირველი ცხრა თვის მონაცემებით, გაყიდვები სამჯერ გაიზარდა და მიაღწია 80,807 ერთეულს.
BYD-ის რადიკალური გაფართოების სტრატეგია ცხადყოფს, რომ კომპანია გრძელვადიანად გეგმავს ევროპულ ბაზარზე დამკვიდრებას.
ქარხნების გახსნა, ლოკალიზაცია და გაყიდვების ქსელის გაორმაგება მიუთითებს, რომ BYD უკვე არა მხოლოდ კონკურენტი, არამედ ერთ-ერთი წამყვანი მოთამაშეა ევროპის EV ინდუსტრიაში.
BYD-ის ავტომობილები უკვე რამდენიმე წელია საქართველოშიც ხელმისაწვდომია - Solar Auto საქართველოში 2022 წლიდან წარმოადგენს BYD-ის (Build Your Dreams) სრულ სამოდელო რიგს, საგარანტიო მომსახურებით, ორიგინალი ნაწილებით და სერვისით.