BYD-ი სამხრეთ კორეაში ფართოვდება
Jan 20, 2025
BYD-მა ოფიციალურად დაიწყო სამხრეთ კორეის EV ბაზარზე გაფართოება, წარადგინა ATTO 3 ელექტრო SUV, რომელიც Hyundai-სა და Kia-ს კონკურენტად განიხილება.
BYD-ის პირველი სამგზავრო ელექტრომობილი სამხრეთ კორეაში, ATTO 3, ბაზარზე $21,600-ად შედის. სახელმწიფო სუბსიდიების გათვალისწინებით, ფასი შესაძლოა $13,700-მდე შემცირდეს.
ავტომწარმოებელმა აღნიშნული ნაბიჯი მას შემდეგ გადადგა, რაც Tesla-ს გადაუსწრო და 2024 წლის მსოფლიოში ყველაზე დიდი EV მწარმოებელი გახდა, წლის განმავლობაში 1.77 მილიონი ელექტრომობილის წარმოებით, რაც Tesla-ს მაჩვენებელზე 4,500 ერთეულით მეტია. სამხრეთ კორეა არის კომპანიის უახლესი სამიზნე ბაზარი, სამხრეთ-აღმოსავლეთ აზიასა და ამერიკებში წარმატებული გაფართოების შემდეგ.
სამხრეთ კორეის EV ბაზარი სწრაფად იზრდება, თუმცა გასულ წელს გაყიდვები 10%-ით შემცირდა, რასაც ქვეყანაში EV ხანძრის შემთხვევამ შეუწყო ხელი. მიუხედავად ამისა, BYD მზად არის, რომ მომხმარებელთა ნდობის მოპოვებისთვის აქტიურად იმუშაოს.
მომხმარებელთა ნდობის გასამყარებლად, BYD გახსნის 15 შოურუმსა და 11 მომსახურების ცენტრს მთელი ქვეყნის მასშტაბით.
BYD გეგმავს ATTO 3-ის გარდა, წლის ბოლომდე სამხრეთ კორეაში კიდევ ორი ახალი მოდელის წარდგენას:
SEAL სედანი
SEALION 7 საშუალო ზომის SUV
BYD Korea-ს ცნობით, ყველა ავტომობილი, რომელიც სამხრეთ კორეაში გაიყიდება, გამოიყენებს ადგილობრივ სერვერებს, რაც მონაცემთა ჩინეთში გადაცემას გამორიცხავს.
Solar Auto ქართულ ბაზარზე 2022 წლიდან ოპერირებს და წარმოადგენს ჩინური გიგანტი ბრენდის – BYD-ის (Build Your Dreams) პირველ ავტორიზებულ იმპორტიორს საქართველოში.
კომპანია ქართველ მომხმარებლებს სთავაზობს BYD-ის ახალი ავტომობილების სრულ ასორტიმენტს, ორიგინალ ნაწილებს და საგარანტიო სერვისს.
სრული სამოდელო რიგის გასაცნობად ეწვიეთ ვებგვერდს: www.solarauto.ge